Google ADS

Pioli vazhdon qëndrimin te Interi

10:35 | 11 Prill 2017
Arbresh Info

Stefano Pioli thuhet se ka vendosur për të vazhduar qëndrimin te Interi deri në momentin kur ata mund të sigurojnë shërbimet e Antonio Contes ose Diego Simeones.

“Nerazzurrët” humbën në ndeshjen ndaj Crotones në fundjavë, gjë që do të thotë se ata tani kanë tri ndeshje pa asnjë fitore dhe janë matematikisht jashtë garës për Ligë të Kampionëve, transmeton portali arbresh.info.

Sidoqoftë, sipas raporteve të ndryshme nga mediat italiane, pronarët e klubit do të bëjnë ndryshim vetëm nëse arrijnë të sigurojnë transferimin e emrave të mëdhenj.

Prioriteti i tyre vazhdon të mbetet trajneri i Chelseat, Antonio Conte, por ai ka deklaruar se është i lumtur në ‘Stamford Bridge’.

Diego Simeone i Atletico Madridi është gjithashtu një opsion, por ai ka edhe një vit në kontratën e tij./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm